Serbisyo ng GCash balik na sa normal; E-wallet App kinumpirmang may ilang customers ang maaaring nawalan ng pera sa account

Kinumpirma ng GCash na ilang costumer ang maaaring nawalan ng pera sa kanilang account kahapon.

Ayon sa GCash, nagsagawa sila ngayon ng maintenance para maimbestigahan ang nangyari.

Ito ang dahilan kaya ilang oras na hindi na-access ang GCash araw ng Martes, May 9.

Martes ng hapon nang maibalik sa normal ang serbisyo ng E-wallet App.

Tiniyak din ng kumpanya na magsasagawa sila ng adjustment sa mga nangyaring deductions.

Siniguro din ng GCash sa kanilang costumer na safe ang kanilang pondo sa kanilang accounts.

Muli din nitong ipinaalala na hindi dapat ibinabahagi sa iba ang kanilang MPIN at OTP. (DDC)