Kennon Road isinara sa mga motorista dahil sa bumagsak na retaining wall
Isinara pansamantala sa mga motorista ang kahabaan ng Kennon Road araw ng Martes, May 9.
Ito ay dahil sa bumagsak na retaining wall sa bahagi ng Camp 6, Tuba Benguet.
Ayon sa abiso ng Department of Public Works and Highways (DPWH) – Cordillera, ang nasabing kalsada ay hindi muna pinapadaanan sa lahat ng uri ng sasakyan.
Payo ng DPWH sa mga motorista, gumamit muna ng alternatibong ruta gaya ng Marcos HIghway at Baguio-Bauang Road. (DDC)
