Pista ni Tata Hosep ipinagdiwang sa Las Piñas

Masayang ipinagdiwang ng mga mamamayan ng Las Piñas City ang pista ni Tata Hosep, ang Santong Patron ng lungsod nitong Linggo, May 7.

Sinimulan ang selebrasyon sa pamamagitan ng isang misa na dinaluhan ni City Vice Mayor April Aguilar sa Saint Joseph Parish.

Maraming residente, deboto at turista ang nakiisa sa kapistahan kung saan inabangan ang parada at pagtatanghal ng iba’t ibang banda ng parokya ng St. Joseph.

Malugod namang ipinaabot ni Mayor Imelda T. Aguilar ang pagbati at pakikipagkaisa ng Pamahalaang Lokal sa maligayang selebrasyon ng kapistahan sa Las Piñas Bayan na taunang isinasagawa bilang pagpupugay sa Santong Patron ng lungsod na si Tata Hosep.

Bahagi pa rin ito sa pagpapayabong ng mayamang kultura at tradisyon ng mga Las Piñeros gayundin sa pagpapalakas ng turismo sa lungsod. (Bhelle Gamboa)