Lalaking nasa Provincial Target List, arestado sa Dumaguete

Naaresto ng mga otoridad sa Dumaguete City ang isang lalaki sa ikinasang buy-bust operation.

Ang operasyon ay ikinasa ng mga tauhan ng PDEA Negros Oriental, kasama ang mga tauhan ng Dumaguete City Police Station sa Barangay Pulantubig sa nasabing lungsod.

Nadakip ang suspek na si John Michael Timogin Bayon, 37 anyos na isang provincial target-listed personality.

Nakuha sa kaniya ang sampung pakete ng hinihinalang shabu na tinatayang P136,000 ang halaga, buy-bust money, cellphone, at improvised glass tooter.

Inihahanda na ang kasong paglabag sa RA 9165 laban sa suspek. (DDC)