Pagtanggap ng bisita sa Bilibid at Correctional suspendido muna

Suspendido muna ang pagtanggap ng bisita sa New Bilibid Prison sa Muntinlupa City.

Sa abiso na inilabas ng Bureau of Correction (BuCor) ang pagsuspende sa visitation ay effective immediately.

Ang hakbang ay para maiwasan ang pagkalat ng kaso ng COVID-19 sa bilangguan.

Sinuspinde din ang pagtanggap ng bisita sa Correctional Institute for Women (COW) sa Mandaluyong City.

Nabatid na mayroong 32 persons deprived of liberty (PDLs) mula sa Bilibid at sa Correctional ang nagpositibo sa COVID-19.

Sa nasabing bilang, 18 ang nakararanas ng sintomas.

Inumpisahan na ang pagsasagawa ng contact tracing at mas pinalawig na antigen testing sa mga PDL. (DDC)