Klase sa Bacolod City suspendido ngayong araw
Suspendido ang klase ngayong araw sa mga public at private schools sa Bacolod City base sa kautusan ni Mayor Albee Benitez.
Ito ay makaraang makaranas ng pag-ulan sa lungsod dahil sa epekto ng Low Pressure Area (LPA).
Simula araw ng Miyerkules (May 3) ay nakararanas na ng pag-ulan sa Bacolod City.
Miyerkules ng gabi itinaas pa ng PAGASA ang Orange Rainfall Warning sa buong Negros Occidental.
Sa weather forecast ng PAGASA, makararanas pa rin ng pag-ulan ang buong Visayas ngayong araw ng Huwebes. (DDC)
