Chinese arestado sa estafa sa Parañaque

Arestado ang isang babaeng Chinese national dahil sa reklamong Swindling (Estafa) ng kanyang kababayan sa isang casino sa Parañaque City.

Ang suspek ay kinilalang si Chen Yu, alyas Cheng Ye, 30-anyos.

Samantala ang biktima ay si Zhao Zhimin, isa ring Chinese national, 27-anyos.

Sa ulat ng otoridad naganap ang insidente sa Okada Manila, Barangay Tambo, Parañaque City.

Hinikayat umano ni Yu si Zhimin na magbibigay siya ng ₱2,300,000 cash kapalit ng 290,000 RMB via online payment.

Subalit nang makuha ng suspek ang pera ay tumanggi umano siyang bayaran ang P2.3 milyon at naging sanhi ng ng gulo dahilan upang humingi ng tulong ang biktima sa mga guwardiya ng Okada at ipinaaresto si Yu.

Inihahanda ng otoridad ang pagsasampa ng kaso laban sa suspek sa Parañaque City Prosecutor’s Office. (Bhelle Gamboa)