Halos 4,000 Bar passers nanumpa na
Isinagawa na ang oath taking ceremony para sa 3,992 na pumasa sa 2022 Bar examinations.
Ang oath taking ay isinagawa sa Philippine International Convention Center (PICC) at dinaluhan ng lahat ng mahistrado ng Korte Suprema kabilang sina Supreme Court Chief Justice Alexander Gesmundo at Bar exam chair Associate Justice Alfredo Benjamin Caguioa.
Sa kaniyang talumpati, sinabi ni Caguioa na ang written at spoken words ang armas ng mga bagong abogado sa pag-depensa sa kanilang magiging mga kliyente.
Ang pagpasa aniya sa Bar exams ay simula pa lamang ng kanilang paglalakbay bilang mga abogado. (DDC)
