Mahigit 20,000 manggagawa nakinabang sa Libreng Sakay ng MRT-3 noong Labor Day
Umabot sa 23,527 na manggagawa ang nakinabang sa handog na Libreng Sakay ng MRT-3 noong May 1, Labor Day.
Ayon sa datos mula sa pamunuan ng MRT-3, 9,486 na manggagawa ang nag-benepisyo sa Libreng Sakay mula 7:00 hanggang 9:00 ng umaga at 14,041 naman ang libreng nakasakay mula 5:00 ng hapon hanggang 7:00 ng gabi.
Ang mga manggagawa ay kinailangan lamang magpakita ng company ID o government-issued ID sa security personnel sa service gate ng mga istasyon upang makasakay ng libre sa MRT-3.
Ang Libreng Sakay ay tugon ng MRT-3 sa kahilingan ng Department of Labor and Employment (DOLE) bilang bahagi ng mga aktibidad sa Labor Day. (DDC)
