9,000 pasahero naapektuhan ng naranasang power outage sa NAIA T3
Umabot sa 9,000 mga pasahero ang naapektuhan ng naranasang power outage sa NAIA Terminal 3, May 1 – Labor Day.
Ayon kay Manila International Airport Authority (MIAA) General manager Cesar Chiong, naranasan ang power outage pasado ala 1:00 ng madaling araw ng May 1 na nakaapekto sa maraming domestic passengers.
May mga international flights din ang na-delay ang biyahe.
Humingi ng paumanhin si Chiong sa mga naapektuhang pasahero.
Ayon kay Chiong, “fault current” ang dahilan ng power outage.
Sa datos ng MIAA, umabot sa 24 na round trip flights ang nakansela dahil sa insidente.. (DDC)
