DPWH magsasagawa ng road repairs sa ilang lansangan sa NCR

Magsasagawa ang Department of Public Works and Highways (DPWH) ng rotomilling at asphalt overlaying activities sa ilang pangunahing kalsada sa Metro Manila simula ngayong Abril 27.

Sa abiso ng Metropolitan Manila Development Authority (MMDA) dakong 10:00 ng gabi ngayong Huwebes sisimulan ng DPWH ang pagkukumpuni sa mga sumusunod na kalsada:

1. Balete Dr. magmula sa Mabolo St. hanggang Bougainvilla St. kung saan ang repair ay matatapos ng alas-5:00 ng madaling araw ng Mayo 2.

2. C-5 E. Rodriguez Jr. Ave. Southbound mula sa harapan ng Unioil Gasoline Station hanggang harapan ng Be Safe MD INC. hanggang 5:00 ng madaling araw ng Mayo 2.

3. Arayat St. simula sa Cristobal St. hanggang Malabito St. hanggang alas-5:00 ng madaling araw ng Mayo 2.

4. BIR Road Southbound, Quezon Avenue hanggang East Avenue (1st-2nd lane) kung saan ang pagsasaayos nito ay hanggang 5:00 ng umaga ng Mayo 3.

5. Kalayaan Ave. (Westbound) magmula sa V. Luna Kamias Rd. hanggang alas-5:00 ng madaling araw ng Mayo 5.

6. Boni Serrano Flyover Northbound at Southbound na isasagawa bandang 10:00 ng gabi ng Abril 29 hanggang 5:00 ng madaling araw ng Mayo 5.

Pinapayuhan ang mga motorista na dumaan sa mga alternatibong ruta. (Bhelle Gamboa)