Impormasyon sa bagong number coding scheme na muling kumalat sa SocMed, peke ayon sa MMDA
Muling kumakat sa social media ang mga impormasyon na may bagong number coding scheme na paiiralin ang Metropolitan Manila Development Authority (MMDA).
Ayon sa MMDA, wala itong katotohanan dahil nananatili ang pagpapatupad ng expanded number coding scheme mula 7 am to 10 am at 5 pm to 8 pm mula Lunes hanggang Biyernes, maliban tuwing holidays.
Paalala ng MMDA sa publiko, iwasan ang pagpapakalt ng mga ganitong mensahe na nagdudulot ng panic at kalituhan.
Kung may natatanggap na mensahe o post sa social media kaugnay sa number coding at nais itong iberipika, maaaring tumawag sa MMDA Hotline 136 o magpadala ng mensahe sa MMDA official page sa Facebook, Twitter, at Instagram. (DDC / Belle Gamboa)
