DSWD Satellite office binuksan sa Montalban, Rizal

Mas madali na para sa mga residente ng Rodriguez at San Mateo sa lalawigan ng Rizal ang makalapit sa tanggapan ng Department of Social Welfare and Development (DSWD).

Ito ay makaraang mabukas ng DSWD Satellite Office sa Municipal Hall ng bayan ng Rodriguez (Montalban).

Ang satellite office ay magbibigay ng serbisyo gaya ng pagproseso sa mga request para sa financial assistance sa ilalim ng Assistance to Individuals in Crisis Situations.

Ang seremonya para sa pagbubukas ng satellite office ay pinangunahan nina DSWD Region IV-A Regional Director Barry Chua at Rodriguez, Rizal Mayor Ronnie Evangelista. (DDC)