Mag-ina patay, 3 pa sugatan sa aksidente sa Antipolo

Patay ang mag-inang sakay ng motorsiklo matapos silang mabangga ng isang Toyota Innova sa bahagi ng Sumulong Highway, La Veranda, Brgy. Sta Cruz, Antipolo City.

Sa Facebook post ng Antipolo City Local Government (LGU), batay sa imbestigasyon ng PNP Antipolo, sakay ng motorsiklo ang mag-ina at binabagtas ang paakyat na bahagi ng kalsada nang tumbukin sila ng Toyota Innova.

Nawalan umano ng kontrol ang driver ng Innova dahilan para ito ay mag-overshoot sa kabilang lane at tumbukin ang mag-ina.

Dead on the spot ang hindi pinangalanang mag-ina.

Ginagamit naman sa ospital ang driver ng Innova, ang kanyang asawa, at ang kanilang anak.

Kasalukuyang naka-hospital arrest ang driver at nakatakdang maharap sa kasong Reckless Imprudence Resulting in Two (2) Counts of Homicides. (DDC)