DMW Sec. Susan Ople nagtungo sa Cairo, Egypt para pangasiwaan ang pagtulong sa mga Pinoy sa Sudan
Nakaalis na patungong Cairo, Egypt si Department of Migrant Workers (DMW) Sec. Susan Ople para pangasiwaan ang pagtulong sa mga OFWs na apektado ng kaguluhan sa Sudan.
Umalis patungong Cairo si Ople Martes (Apr. 25) ng gabi.
Ang DMW ay magkakaroon ng iba’t ibang pangkat na binubuo ng mga opisyal na bihasa sa pagtugon sa mga ganitong uri ng krisis at kagipitan, para tulungan ang mga OFWs sa Sudan na makalikas sa mas ligtas na lugar.
Sa pakikipag-ugnayan ni Ople kina Philippine Ambassador Ezzedin Tago at sa Department of Foreign Affairs (DFA) ay tutukuyin kung saan isasagawa ang cross-border assistance na katatayuan naman ng mga pangkat ng DMW. (DDC)
