BREAKING: SIM Registration pinalawig ng 90 araw pa – Sec. Remulla

Pinalawig ng 90 araw pa ang proseso ng SIM Registraton sa bansa.

Inanunsyo ito ni Department of Justice (DOJ) Sec. Crispin Remulla matapos ang pulong na ipinatawag ng Department of Information and Communication Technology (DICT) sa mga public telecommunication entities.

Sa nasabing pulong, tinalakay ang mga concern ng subscribers hinggil sa pagpaparehistro ng kanilang SIM.

Sa kabila kasi ng deadline na Apr. 26 ay mababa pa rin ang turnout ng registration.

Nagkaisa ang DITO Telecommunity, Globe at Smart na hilingin sa gobyerno na palawigin ang deadline.

Ayon sa DICT, hanggang noong Sabado, wala pang 60 percent ng 168 million active SIMs sa bansa ang naipaparehistro. (DDC)