Gas-Oil Platform Takedown Exercise isinagawa bilang bahagi ng Balikatan 2023

Nagsagawa ng Gas and Oil Platform Takedown (GOPLAT) and Recovery simulation ang mga miyembro ng Naval Special Operations Command (NAVSOCOM) ng Philippine Navy at US Naval Special Warfare.

Ito ay bilang bahagi ng idinadaos na Balikatan 2023.

Noong Linggo ibinahagi din ng Philippine Navy ang pagsasagawa ng pagsasanay kaugnay sa “Visit, Board, Search and Seizure”.

Lumahok dito ang mga tauhan ng Philippine Coast Guard, 2nd Special Operations Unit ng Philippine National Police-Maritime Group, at ang U.S. armed forces.

Ang Balikatan ay taunang pagsasanay sa pagitan ng Armed Forces of the Philippines at U.S. military.

Layon nitong mas mapalakas pa ang bilateral interoperability, capabilities, trust, at cooperation sa magkabilang panig. (DDC)