DPWH may road repairs ngayong long weekend
Isinasagawa ng Department of Public Works and Highways (DPWH) ang pagkukumpuni sa ilang pangunahing kalsada sa Metro Manila.
Sa abiso ng Metropolitan Manila Development Authority (MMDA), umaarangkada ang rotomilling at asphalt overlaying activities ng DPWH na sininulan nito dakong alas-10:00 ng gabi ng Huwebes, Abril 20.
Nabatid na isinasaayos ang Boni Serrano Flyover Southbound at Northbound hanggang alas-5:00 ng madaling araw ng Abril 28.
Habang kinukumpuni naman ang C-5 E. Rodriguez Jr. Ave. Southbound magmula sa harapan ng Hotel 878 hanggang harap ng Be Safe MD Inc. hanggang alas-5:00 ng madaling araw ng Abril 24.
Pinayuhan ang mga motorista na dumaan sa mga alternatibong ruta.(Bhelle Gamboa)
