Dahilan ng pagkasawi ni Aaron Carter, “accidental” ayon sa autopsy
“Accidental” ang dahilan ng pagkasawi ng 34 anyos na singer na si Aaron Carter.
Ito ang lumitaw sa resulta ng autopsy kay Carter ilang buwan matapos itong matagpuang walang buhay habang nasa bathtub noong Nobyembre ng nakaraang taon.
Ayon sa report ng “People” at “TMZ”, sa resulta ng autopsy ng Los Angeles County Medical, lumitaw na nalunod ang singer sa bathtub sa kaniyang bahay sa Lancaster, California.
Ito ay matapos na uminom siya ng prescription pills na alprazolam.
Nabatid din sa autopsy na lumanghap si Carter ng compressed difluoroethane o propellant na ginagamit sa cans ng compressed air.
Ayon sa findings, dahil sa epekto ng drugs at huffing ay nalunod si Carter. (DDC)
