P1.1M na halaga ng ‘shabu’ nakumpiska; 8 suspek arestado sa Makati
Inanunsyo ni Southern Police District (SPD) Chief, Brigadier General Kirby John Kraft ang pagkakakumpiska ng ₱1,121,524 na halaga ng umano’y shabu at pagkakaaresto ng walong suspek sa Makati City.
Ang mga suspek ay kinilalang sina Jake Dela Vega y Jumarang, 24-anyos; Ryan Sularte y Solatorio, 38-anyos, security guard; Roderick Gayacao y Sanchez, 53-anyos; Kaitlyn Gabaya y Aldaca, 25-anyos; Amador Romasanta y Martinez, 52-anyos; Mary Grace Roldan y Castillo, 38-anyos; Rose Ann Lopez y Mamaid, 36-anyos; at Joy Espayos y Dela Dingco, 40-anyos.
Dakong alas-4:20 ng madaling araw nitong Abril 17 naaresto ng mga tauhan ng Poblacion Substation ang mga suspek habang nagka- cara y cruz sa Bernardino St., Laperal Compound, Brgy. Guadalupe Viejo, Makati City.
Nasamsam ng otoridad ang pangara na barya, ₱1, 740 na pusta, tinatayang 164 na gramo ng ‘shabu’ at digital weighing scale.
Nakatakdang sumailalim sa inquest proceedings sa korte ang mga suspek. (Bhelle Gamboa)
