Czech Republic Prime Minister Petr Fiala nag-alay ng bulaklak sa bantayog ni Dr. Jose Rizal

Bago bumiyahe pabalik ng Czech Republic ay nagtungo muna sa Rizal Park si Czech Prime Minister Petr Fiala.

Nag-alay ng bulaklak ang prime minister sa bantayog ng pambansang bayani na si Dr. Jose Rizal.

Dumalo din sa nasabing seremonya si Manila City Mayor Honey Lacuna.

Nagsagawa naman ng 21-gun salute ang mga tauhan ng Armed Forces of the Philippines (AFP).

Sa kaniyang talumpati sa Malakanyang noong Lunes binanggit ng Czech leader ang pagiging magkaibigan nina Jose Rizal at ng Czech professor na si Ferdinand Blumentritt.

Martes (Apr. 18) ng umaga nang lumipad pabalik ng Czech Republic si Fiala matapos ang 3-day official visit sa Pilipinas. (DDC)