Dating DFA Sec. Albert Del Rosario pumanaw sa edad na 83

Pumanaw na sa edad na 83 si dating Department of Foreign Affairs (DFA) Secretary Albert Del Rosario.

Sa pahayag ng DFA, nagpaabot ng pakikiramay sa mga naulila ni Del Rosario.

Si Del Rosario ay nagsilbi bilang Philippine Ambassador sa United States mula 2001 hanggang 2006.

Itinalaga siya bilang DFA secretary ni dating Pangulong Benigno S. Aquino III noong Feb. 2011 at nanatili sa nasabing puwesto hanggang March 2016.

Sa pahayag ng kasalukuyang DFA Secretary na si Enrique Manalo tinawag nitong “inspiring leader” si Del Rosario.

Ayon kay Manalo, pinamunuan ni Del Rosario ang DFA ng may integridad at hindi matatawarang commitment sa public service.

Nagpaabot din ng pakikiramay ang Stratbase ADR Institute sa pagpanaw ng kanilang chairperson. (DDC)