Libreng kapon at ligate para sa mga aso’t pusa sa Las Piñas, isinagawa

Isinasagawa ng Pamahalaang Lokal ng Las Piñas City ang pagbibigay ng libreng serbisyo sa kapon at ligate para sa mga alagang aso at pusa ng mga residente sa lungsod ngayong araw, Abril 17.

Pinangasiwaan ng City Veterinary Office ang nasabing proyekto sa ilalim ng inisyatibo nina Mayor Imelda Aguilar, Vice Mayor April Aguilar at ng City Council sa pakikipagtulungan ng Barangay Talon Kuatro at Biyaya Animal Care, na inilunsad sa SAV Covered Court, Barangay Talon Kuatro.

Layunin nitong maiwasan ang hindi inaasahang pagdami ng mga aso at pusa sa lansangan.

Maliban dito, nagkaloob din ang lokal na pamahalaan ng libreng pagbabakuna ng Animal Rabies Vaccine at deworming sa mga alagang hayop ng mga taga-Las Piñas. (Bhelle Gamboa)