PRC magsasagawa ng face-to-face mass oath taking para sa mga bagong med tech sa Cebu City

Isasagawa ng Professional Regulation Commission (PRC) ang face-to-face mass oath taking ng mga bagong Medical Technologists sa April 30, 2023, sa Robinson’s Galleria Cebu Conventional Hall, Cebu City.

Ayon sa PRC, lahat ng successful examinees na dadalo sa face-to-face mass oath taking ay kailangang magparehistro bago mag-12:00 ng tanghali ng Apr. 29 sa http://online.prc.gov.ph para sa kumpirmasyon ng kanilang attendance.

Ang mga inductees ay kailangan ding mag-print ng kanilang own generated QR.

Isusumite ito sa araw ng oath taking.

Kailangan ding dalhin ang mga sumusunod:

• Vaccination Card
• Negative RT-PCR results taken within 48 hours before the oathtaking

Ang mga hindi makadadalo sa face-to-face mass oath taking ay maaaring dumalo sa online oath taking o mag-request para sa special oath taking. (DDC)