Isang linggong water service interruption mararanasan sa ilang lugar sa NCR

Makararanas ang mga customer ng Maynilad Water Services Inc. sa ilang bahagi ng Metro Manila ng ng isang linggong water service interruption.

Sa notice na inilabas ng Maynilad kabilang sa makararanas ng service interruption ang ilang lugar sa Las Piñas City, Muntinlupa City, Parañaque City, at Pasay City.

Nagsimula na ang pagpapatupad ng water service interruption noong Linggo, April 16 at tatagal hanggang sa April 23.

Sa ilang mga lugar sinabi ng Maynilad na maaaring mas maagang maibalik sa normal ang serbisyo sa April 22.

Ang water service interruption ay bunsod ng ginagawang intensified cleaning sa filters at sa Putatan Water Treatment Plants.

Ayon sa Maynilad kailangang palawigin pa ang ginagawang maintenance activities sa kanilang planta dahil sa turbidity level ng raw water sa Laguna Lake. (DDC)