Cebu City Mayor Rama tiniyak na mare-renew ang kontrata ng mga casual at job order employees ng City Hall

Tiniyak ni Cebu City Mayor Mike Rama na mare-renew ang kontrata ng lahat ng casual at job order employees ng City Hall.

Ginawa ng alkalde ang pahayag matapos pangunahan ang idinaos na flag-raising ceremony sa Plaza Sugbo Ground sa Cebu City Hall Legislative Building araw ng Lunes, Ar. 17.

Pero ayon kay Rama, kung mayroong mga empleyado na magpopositibo sa paggamit ng illegal drugs ay hindi sila kasama sa mare-renew.

Hindi rin ire-renew ang kontrata ng mga empleyadong mapatutunayang guilty sa graft and corruption.

Paalala ni Rama sa lahat ng empleyado ng City Hall, tuluy-tuloy ang ginagawang evaluation sa lahat ng personnel ng City Government. (DDC)