17 na katao sugatan sa banggaan ng 2 jeepney sa QC

Nasa 17 na indibidwal ang napaulat na nasugatan sa naganap na banggaan ng dalawang pampasaherong jeepney sa Quezon City.

Ayon sa ulat ng Metropolitan Manila Development Authority (MMDA) nagdulot ng trapik sa panulukan ng Scout Ybardolaza at Kamuning Road sa Quezon City dahil sa banggaan ng dalawang pampasaherobg jeepney dakong alas-8:27 ng umaga ng Abril 17.

Sa lakas ng impact ng pagkakabangga isa sa jeepney na sangkot sa aksidente ang tumagilid sa gitna ng kalsada dahilan upang magtamo ng minor injuries ang 17 na katao.

Pinapayuhan ng MMDA ang mga motorista na dumaan sa mga alternatibong ruta habang inaalis pa sa kalsada ang dalawang sasakyang nasangkot sa insidente.

Nasa lugar na ang mga traffic enforcer ng MMDA at Quezon City LGU para asistehan and magmando ng trapiko. (Bhelle Gamboa)