Flight at ground operations sa NAIA nasuspinde makaraang magtaas ng Lightning Red Alert
Pansamantalang nasuspinde ang flight at ground operations sa Ninoy Aquino International Airport (NAIA).
Ayon sa post sa Facebook page ng NAIA, nagpalabas ang MIAA Airport Ground Operations and Safety Division (AGOSD) ng Lightning Red Alert ganap na 2:59 ng hapon ng linggo (Apr. 16).
Ang pagtataas ng nasabing alerto ay bilang safety measure para maiwasan ang insidente na maaaring mangyari kapag nakaranas ng pagkidlat sa paliparan.
Sa inilabas na thunderstorm advisory ng PAGASA ganap na 3:09 ng hapon, nakararanas ng katamtaman hanggang sa malakas na pag-ulan sa ilang bahagi ng Metro Manila, Cavite, Pampanga, Zambales, Nueva Ecija at Rizal. (DDC)
