Pangulong Marcos nagsagawa ng aerial inspection sa Oriental Mindoro
Nagsagawa ng aerial inspection at situation briefing si Pangulong Ferdinand Marcos Jr. sa Oriental Mindoro.
Ito ay para alamin ang iba pang kinakailangan sa paglutas ng pinsalang idinulot ng oil spill dahil sa paglubog ng MT Princess Empress.
Siniguro ng pangulo ang mga hakbang na ginagawa ng iba’t ibang ahensya maging ang lokal na pamahalaan para maibalik sa normal ang pamumuhay ng mga residente.
Pinangunahan din ng pangulo ang pagbibigay ng iba’t ibang tulong mula sa mga ahensya ng pamahalaan para sa mga residenteng naapektuhan ng oil spill. (DDC)
