Biyahe ng LRT-1 nagka-aberya; nagpatupad ng limitadong operasyon dahil sa depektibong tren

Nakaranas ng aberya ang mga pasahero sa LRT-1.

Alas 10:17 ng umaga ng Biyernes (Apr. 14) nang mag-abiso an LRT-1 hinggil sa nagkaproblemang tren dahilan para magpatupad ng speed restriction mula Baclaran patungong Roosevelt.

Ganap na 10:52 ng umaga nang magpatupad na ng limitadong operasyon sa LRT-1 at ang naging biyahe lamang ng kanilang mga tren ay mula sa Baclaran patungong Central Terminal at pabalik.

Dahil dito bumaba ang mga pasahero at naghanap na lamang ng masasakyan.

11:01 ng umaga nang magbalik ang full operations sa linya ng LRT-1. (DDC)