Las Piñas LGU nagkaloob ng libreng pneumonia vaccines sa mga senior citizen

Libu-libong mga senior citizens ang pagkakalooban ng libreng pneumonia vaccines mula sa Lokal na Pamahalaan ng Las Piñas City upang bigyang seguridad ang kanilang kalusugan.

Sa pangangasiwa ng City Health Office (CHO) ay sinimulan nitong Martes ang handog na pneumonia vaccination drive para sa mga nakatatandang residente sa lungsod na isinagawa sa Saint Joseph Covered Court at Barangay Almanza I Covered Court.

Naglabas din ng schedules ng naturang pagbabakuna ang Las Piñas LGU sa mga sumusunod na vaccination sites:

Sa Abril 14, araw ng Biyernes mula alas-8:00 ng umaga hanggang 12:00 ng tanghali sa CAA Events Place habang ala-
1:00 ng hapon hanggang 5:00 ng hapon saTalon I Covered Court.

Isasagawa naman ang pagbabakuna sa Abril 21, Biyernes ng 8:00 ng umaga hanggang 12:00 ng tanghali sa Pamplona I Covered Court at ala-1:00 ng hapon hanggang 5:00 ng hapon sa PM Golden Acres Covered Court

Samantala sa Abril 28, Biyernes ng 8:00 ng umaga hanggang 12:00 ng tanghali sa Manuyo I Covered Court habang ala-
1:00 ng hapon hanggang 5:00 ng hapon sa Aguilar Sports Complex.

Nagpapatuloy ang isinasagawang pre-registration at screening sa mga health centers sa lungsod.

Para sa mga katanungan, concerns, at clustering para sa pagbabakuna maaaring dumulog sa nakakasakop na barangay health center. (Bhelle Gamboa)