P6.8M ‘shabu’ nakumpiska sa Taguig
Naaresto ng mga otoridad ang umano’y isang high-value drug pusher at nakumpiska ang tinatayang P6,800,000 halaga ng ‘shabu’ sa ikinasang buy-bust operation sa Taguig City.
Ang suspek ay kinilalang si Jun Mark Musay Salonga, alyas “Boy”, 43-anyos, at residente sa bayan ng Pateros.
Nagsagawa ng buy-bust operation ang mga tauhan ng Southern Police District-Drug Enforcement Unit sa Arca South Compound, Taguig City na nagresulta ng pagkakaaresto ni suspek at nasamsam ang isang kilo ng ‘shabu’, marked money, at paper bag.
Nakapiit si Salonga sa SPD DDEU Office at sasampahan ng kasong paglabag sa Comprehensive Dangerous Drugs Act of 2002. (Bhelle Gamboa)
