Huling nawawalang pasahero ng nasunog na MV Lady Mary Joy 3 natagpuan ng PCG; bilang ng nasawi umabot na sa 33
Kinumpirma ng Philippine Coast Guard at ng Provincial Disaster Risk Reduction and Management Office ng Basilan na katawan ng nawawalang tauhan ng Philippine Army ang natagpuan sa karagatan ng Hadji Mohammad Adjul kamakailan.
Ang nasabing katawan ay natagpuan ng mga tauhan ng Coast Guard noong Apr. 11 sa Brgy. Sulutan Matangal.
Ayon sa PCG, kinilala itong si Private First Class Marion Malda na isa sa mga Army Personnel na lulan ng nasunog na MV Lady Mary Joy 3.
Si Malda ang huling missing passenger ng naturang barko.
Sa kabuuang 249 na sakay ng MV Lady Mary Joy 3, 216 ang nakaligtas, 33 naman ang nasawi. (DDC)
