Babaeng pasahero tumalon sa riles ng MRT-3 sa Quezon Ave. Station

Nagpatupad ng provisionary service sa MRT-3 matapos na isang babaeng pasahero ang tumalon sa riles sa southbound ng Quezon Avenue Station.

Ayon sa MRT-3, alas 12:00 ng tanghali ng Miyerkules, Apr. 12 ay Shaw Station hanggang Taft Station at pabalik lamang ang naging biyahe ng kanilang mga tren.

Ala 1:20 na ng hapon nang mag-resume ang full operations ng MRT-3 sa northbound at southbound.

Batay sa update, isinugod pa sa East Avenue Medical Center ang 73-anyos na babae, subalit binawian din ito ng buhay.

Sa CCTV footage ng MRT-3 kitang tyinempuhan ng ginang ang pagdating ng tren at saka ito tumalon sa riles. (DDC)