7 patay, 150 na pamilya nawalan ng tirahan sa sunog sa Taytay, Rizal

Patay ang pitong magkaka-anak sa sunog na naganap sa Taytay, Rizal gabi ng Sabado de Gloria.

Batay sa imbestigasyon ng Bureau of Fire Protection (BFP), nakulong ang mga biktima sa loob ng nasunog na bahay sa Brgy. San Juan.

Nagsimula ang sunog 9:43 ng gabi atg naapula 11:04 ng gabi.

Umabot naman sa hindi bababa sa 150 na pamilya ang nawalan ng tirahan dahil sa nasabing sunog.

Pansamantalang nanuluyan sa Brgy. San Juan Gym ang mga nasunugang pamilya.
Sa pagtaya ng BFP, aabot sa P2.5 million ang halaga ng mga nasunog na ari-arian. (DDC)