DPWH sasamantalahin ang Holy Week para magsagawa ng road reblocking at repairs

Nakipag-ugnayan ang MMDA sa Department of Public Works and Highways (DPWH) na samantalahin ang mababang bilang ng sasakyan tuwing Semana Santa para gawin lahat ng pagkukumpuni sa EDSA at iba pang pangunahing lansangan sa Metro Manila.

Sisimulan ng DPWH ang kanilang road reblocking at repairs ng ala-1:00 ng madaling araw, Huwebes Santo (Abril 6) hanggang 5:00 ng madaling araw ng Martes (Abril 11) sa bahagi ng EDSA, Commonwealth Avenue, C5 Road, at ilang pangunahing kalsada sa rehiyon.

Pinapayuhan ang mga motorista na dumaan sa ibang mga ruta.

Pinaalalahanan din ang publiko na planuhin ang biyahe ngayong Semana Santa. (Bhelle Gamboa)