Nasawi sa nasunog na MV Lady Mary Joy 3 umabot na sa 31

Umakyat na sa 31 ang bilang ng mga nasawi sa nasunog na MV Lady Mary Joy 3 sa Basilan.

Kasunod ito sa pagkakatagpo sa tatlo pang nasawing pasahero araw ng Miyerkules (Apr. 5).

Ayon sa Philippine Coast Guard (PCG) na-recover ng Coast Guard Station Basilan ang katawan ng isa sa mga pasaherong sakay ng nasunog na barko sa katubigang sakop ng Lampinigan Island at Baluk-Baluk Island, Basilan.

Kinilala itong si Jack Bungso na residente ng Maimbung, Sulu.

Samantala, na-recover din ng Coast Guard Station Isabela ang katawan ni SSgt Cerbatos ng Philippine Army na isa sa 25 Army personnel na sakay din ng nasunog na barko.

Dinala ng mga Philippine Coast Guard (PCG) personnel ang mga labi sa Isabela City, Basilan.

Una nang iniulat din ng PCG ang pagkakatagpo sa katawan ni Anacleto Ponollero Jr. sa Sicagot Island, Basilan.

Ayon sa PCG, umabot na sa 31 indibidwal ang binawian ng buhay dahil naturang insidente.

Sa 249 na sakay ng barko, umabot sa 249 ang nakaligtas habang 2 pa ang nawawala. (DDC)