2022 Bar Exams result ilalabas sa Apr. 14, 2023

Itinakda ng Korte Suprema sa Apr. 14, 2023 ang pagpapalabas ng resulta ng 2022 Bar Examinations.

Ayon sa inilabas na Notice to the 2022 Bar Candidates na nilagdaan ni Associate Justice Alfredo Benjamin Caguioa, ilalabas ang resulta sa official website ng SC matapos ang idaraos na special En Banc.

Kasama din sa ilalabas na resulta ang mga successful Bar passers na makakakuha ng 30 highest total averages.

Gayundin ang law schools na makakakuha ng five highest Bar passers’ percentages.

Inabisuhan ng SC ang mga papasa na mag-antabay sa anunsyo hinggil sa clearance procedure at tungkol Oath-Taking and Roll-Signing. (DDC)