Isa pang bangkay mula sa nasunog na MV Lady Mary Joy 3 natagpuan sa karagatan ng Basilan

Isa pang bangkay na mula sa nasunog na MV Lady Mary Joy 3 ang natagpuan sa karagatan ng Sicagot Island sa Basilan.

Sa video na binahagi ni Hadji Muhtamad, Basilan Mayor Arsina Kahing-Nanoh patungo sila sa Brgy. Baluk-Baluk kung saan nangyari ang insidente ng pagkasunog ng barko nang makita nila ang palutang-lutang na katawan ng tao.

Ayon sa Philippine Coast Guard (PCG) base sa ID na nakuha mula sa biktima, nakilala itong si Anacleto Ponollero Jr., na residente ng Sta. Catalina, Zamboanga City.

Dinala ng PCG sa MDRRMO ng Maluso ang katawan ni Ponollero para maibiyahe sa Zamboanga City.

Sa pinakahuling datos ng PCG, 29 ang bilang ng nasawi sa pagkasunog ng naturang barko.

Sa nasabing bilang, 17 ang natagpuan sa nasunog na barko habang 12 ang natagpuan sa karagatan. (DDC)