Tsunami advisory sa mga baybayin ng Catanduanes, Northern Samar at Eastern Samar binawi na ng Phivolcs
Kinansela na ng Phivolcs ang ipinalabas nitong tsunami advisory sa mga lugar na naapektuhan ng magnitude 6.2 na lindol sa Catanduanes.
Sa inilabas na update ng Phivolcs madaling araw ng Miyerkules (Apr. 5), batay sa mga datos sa isinagawang sea level monitoring, walang sea level disturbances na naitala matapos ang lindol.
Sinabi ng Phivolcs na ang minor sea level disturbances dahil sa tumamang lindol ay maaaring natapos na.
Una nang pinayuhan ng Phivolcs ang mga residente sa coastal areas ng Catanduanes, Northern Samar at Eastern Samar na lumayo sa baybayin. (DDC)
