P23K na halaga ng shabu nakumpiska; 4 naaresto sa operasyon na ikinasa sa Maynila
Umabot sa mahigit P23,000 na halaga ng ilegal na droga ang nakumpiska sa Maynila sa nakalipas na 24 na oras.
Mula umaga ng Apr. 2 hanggang umaga ng Apr. 3 ay nagsagawa ng dalawang operasyon ang mga tauhan ng Manila Police District (MPD).
Sa nasabing mga operasyon, 4 na katao ang naaresto, at nakakumpiska ng P23,800 na halaga ng shabu.
Nagkasa din ng pitong operasyon laban sa illegal gambling, kung saan mayroong 20 na katao ang naaresto.
May mga nahuli ding lumabag sa iba’t ibang ordinansa na umiiral sa lungsod.
Kabilang dito ang 214 na katao na lumabag sa pagbabawal sa paninigarilyo sa public place, 126 ang nahuli dahil walang suot na pang-itaas, at may mga nahuli din sa paglabag sa curfew, traffic management code at obstruction. (DDC)
