116 couples sabay-sabay na ikinasal sa Kasalang Bayan ng Las Piñas LGU

Aabot sa 116 na magkapareha ang sabay-sabay na ikinasal sa ginanap na mass wedding o Kasalang Bayan na handog ng Lokal na Pamahalaan ng Las Piñas City sa Verdant Covered Court, Barangay Pamplona Tres ng lungsod.

Pinangasiwaan ni Vice Mayor April Aguilar ang naturang programa katuwang ang City Social Welfare and Development Office (CSWDO) upang pagkalooban ng libre at matupad ang pinapangarap na simpleng kasal ng mga taga-Las Piñas.

Nagbigay ang Las Piñas LGU ng libreng wedding rings, cakes at food packs para sa bawat magkapareha.

Bukod sa bise-alkalde, dumalo rin sa okasyon ang mga konsehal ng Lungsod na sina
Councilors Ruben Ramos, Filemon Aguilar III, Rex Riguera, at Luis Casimiro.

Samantala, nagpasalamat ang mga bagong kasal sa ibinigay na tulong at maituturing na regalo sa kanila ng lokal na pamahalaan at CSWDO.

Ang naturang kasalang bayan ay bahagi pa rin sa selebrasyon ng 2023 National Women’s Month nitong Marso 31. (Bhelle Gamboa)