Bilang ng nasawi sa nasunog na barko sa Basilan umakyat na sa 29
Umakyat na sa 29 ang naitalang nasawi sa nasunog na MV Lady Mary Joy 3.
Ayon kay Philippine Coast Guard (PCG) District BARMM Commander, CG Commodore Rejard Marfe, sa pinakahuling tala mayroong 216 na nakaligtas sa insidente, habang 29 naman ang binawian ng buhay.
Samantala, pito pa ang nakadeklara bilang “missing.”
Sa kabuuan ay umabot sa 252 ang bilang ng mga apektadong indibidwal ng naturang insidente.
Binubuo ito ng 205 pasahero, 35 tripulante, walong Army personnel, at apat na Coast Guard personnel. (DDC)
