COVID-19 positivity rate sa Misamis Oriental nasa ‘high’ level; NCR nananatiling nasa ‘low’ ayon sa OCTA Research
Napanatili ng NCR ang ‘low’ COVID-19 positivity rate sa nakalipas na pitong araw.
Ayon sa datos mula sa OCTA Research, nanatiling nasa 3.2 percent ang positivity rate sa NCR mula noong March 18 at noong March 25.
Pawang nasa ‘low’ din ang positivity rate sa iba pang lalawigan sa Luzon gaya ng Batangas, Bulacan, Cavite, Laguna, Pampanga at Pangasinan.
Samantala, tumaas naman sa ‘high’ ang positivity rate sa Misamis Oriental na umabot sa 26.8 percent mula sa 17.1 percent noong March 18. (DDC)
