Mandatory na pagsusuot ng face mask sa City Health Office ng Cagayan de Oro City ipinatutupad

Mandatory ang pagsusuot ng face mask sa loob ng City Health Office ng Cagayan de Oro City.

Ito ang nakasaad sa abiso ng City Government ng CDO.

Ayon sa abiso, kung papasok sa health premises ng CHO main office at sa mga health center na sakop nito, kinakailangang magsuot ng face mask.

Ito ay para maiwasan ang pagtaas ng kaso ng COVID-19.

Kamakailan muling nakapagtala ng pagtaas ng kaso ng COVID-19 sa lungsod.

Sa huling datos na inilabas ng LGU, noong Mar. 23 nakapagtala ng 13 bagong kaso at mayroong 146 na active cases ng COVID-19 sa lungsod. (DDC)