SRA administrator Alba magbibitiw na sa puwesto
Kinumpirma ng Malakanyang na magbibitiw na sa puwesto si Sugar Regulatory Administrator (SRA) Administrator David John Thaddeus Alba.
Sa pahayag na inilabas ng Presidential Communications Office (PCO), kinausap ni Alba hinggil sa kaniyang resignation si Executive Secretary Lucas Bersamin noong Miyerkules.
Hinikayat pa ni Bersamin si Alba na huwag ituloy ang pagbibitiw.
Gayunman, binaggit ni Alba ang kaniyang kalusugan bilang rason.
Ayon sa PCO, base sa direktiba ni Pangulong Ferdinand Marcos Jr. sa April 15 magiging epektibo ang resignation ni Alba para mapaghandaan pa ang pagtatalaga ng papalit sa kaniya sa puwesto. (DDC)
