Easterlies magdudulot ng mainit at maalinsangang panahon sa bansa
Apektado na ng easterlies ang silangang bahagi ng bansa.
Ayon sa weather forecast ng PAGASA, ang easterlies ay magdudulot ng mainit at maalinsangang panahon sa Metro Manila at sa nalalabi pang bahagi ng bansa.
Sinabi ng PAGASA na maaaring umabot sa 32 degrees Celsius ang maximum na temperaturang maitatala sa Metro Manila.
Una nang sinabi ng PAGASA na anumang araw ngayong inggo ay idedeklara na ang pagtatapos ng pag-iral ng Amihan o Northeast Monsoon na magiging hudyat ng pagsisimula ng panahon ng tag-init sa bansa. (DDC)
