Special permit ng mga PUV para sa Holy Week pinalawig ng LTFRB

Para matiyak ang mas madali at maginhawang biyahe ng mga pasahero sa Holy Week ay pinalawig ng Land Transportation Franchising and Regulatory Board (LTFRB) ang special permit sa mga mga PUV.

Batay sa Board Resolution No. 009 sa halip na Apr. 2 hanggang Apr. 11 ay ginawang March 31 hanggang Apr. 17 ang sakop ng special permit.

Ito ay para mas maraming public utility vehicles (PUVs) ang makapagbigay-serbisyo sa taumbayan sa mga regular holiday sa buwan ng Abril.

Ang pag-amyenda ng LTFRB sa bisa ng special permit ay bunsod ng inaasahang pagdagsa ng mga pasahero na uuwi sa kani-kanilang probinsya dahil sa mahabang holiday, pagluwag ng travel restriction, at muling pagbubukas ng ekonomiya sa bansa. (DDC)