Isla Verde sa Batangas naapektuhan na din ng oil spill

Umabot na sa Isla Verde sa Batangas City ang oil spill dulot ng paglubog ng MT Princess Empress sa Oriental Mindoro.

Ayon kay Coast Guard Commandant Admiral Artemio Abu, nagpalipad na agad sila ng chopper para mai-assess ang lawak ng lugar na naapektuhan ng oil spill.

Ilang linggo ang nakararaan sinabi ni Abu na naglabas na sila ng mga panawagan at may koordinasyon na sa mga local government unit na posibleng maapektuhan ng oil spill.

Dahil dito, handa na aniya ang mga LGU, Coast Guard stations at iba pang mga otoridad.

Una nang sinabi ng Batangas Provincial Disaster Risk Reduction and Management Office (PDRRMO) na nakahanda ang pamahalaang panlalawigan na tugunan ang banta pagtagas ng langis.

Bago ito ay nakapagsagawa na ang PDRRMO ng inisyal na imbentaryo para sa mga kagamitan at hakbang na kakailanganin upang tugunan ang oil spill sa Verde Island. (DDC)