Dry run ng exclusive MC Lane sa Commonwealth Ave. pinalawig
Pinalawig ng Metropolitan Manila Development Authority (MMDA) ng isang linggo pa ang dry run ng exclusive motorcycle lane sa kahabaan ng Commonwealth Avenue sa Quezon City.
Ito ay para bigyang-daan ang road patch works na isinasagawa ng Department of Public Works and Highways (DPWH) sa Commonwealth Avenue bago opisyal na simulan ang pagpapatupad ng exclusive motorcycle lane policy.
Samantala, umabot na sa 12,370 ang nasita sa pagpapatuloy ng exclusive motorcycle lane dry run sa Commonwealth Avenue simula noong Marso 9 hanggang Marso 18.
Kabilang dito ang 2,931 motorcycle riders at 9,439 four-wheel vehicle drivers na nasita at nabigyan ng babala mula Elliptical Road hanggang Doña Carmen at vice versa. (Bhelle Gamboa)
